ਪੰਜਾਬੀ ਮਾਂ ਬੋਲੀ

ਇਹ ਗੁਰੂਆਂ ਦੀ ਬੋਲੀ

ਇਹ ਪੀਰਾਂ ਦੀ ਬੋਲੀ

ਮਿੱਟੀ ਦੇ ਕਣ ਕਣ ’ਚ ਮਹਿਕੇ

ਇਹ ਰੂਹਾਂ ਦੀ ਬੋਲੀ

ਇਹ ਝਨਾਂ ਕੰਢੇ ਗੂੰਜੇ

ਬਿਆਸ ਰਾਵੀ ’ਚ ਬੋਲੇ

ਇਹ ਸਤਲੁਜ ਦੀ ਬੋਲੀ

ਇਹ ਸਿੰਧ ਦੀ ਬੋਲੀ

ਇਹ ਸ਼ਗਨਾਂ ਤੇ ਗਾਉਂਦੀ

ਮੋਇਆਂ ਵੈਣ ਪਾਉਂਦੀ

ਰੱਬ ਨੇ ਧੁਰ ਦਰਗਾਹੋਂ ਤੋਰੀ

ਇਹ ਸੱਚੀ ਸੁੱਚੀ ਬੋਲੀ

ਇਹ ਖੇਡਾਂ ’ਚ ਗੂੰਜੀ

ਹਵਾਵਾਂ ’ਚੋਂ ਬੋਲੀ

ਹਰ ਇੱਕ ਨੇ ਮਜਦਾ ਕੀਤਾ

ਇਹ ਜਿੱਥੇ ਵੀ ਬੋਲੀ

ਇਹ ਮਾਂ ਵਾਲੀ ਬੋਲੀ

ਇਹ ਜੀਣਾ ਸਿਖਾਂਦੀ

ਰਿਸ਼ਤਿਆਂ ’ਚ ਘੋਲ ਦਿੰਦੀ

ਮਿਠਾਸ ਇਹ ਬੋਲੀ

ਮੰਗਦੀ ਹੱਕ ਆਪਣੇ ਹਿੱਸੇ ਦਾ

ਭਾਵੇਂ ਬੱਚਿਆਂ ਬੇਕਦਰੀ ’ਚ ਰੋਲੀ

ਸਾਥ ਉਮਰਾਂ ਤੀਕ ਨਿਭਾਂਦੀ

ਇਹ ਸਾਡੀ ਪੰਜਾਬੀ ਮਾਂ ਬੋਲੀ