ਬੇਮਿਸਾਲ ਸੂਬਾ - Kamal Kang
ਗੱਲਾਂ ਕਹਿਣ ਤੇ ਸੁਨਣ ਨੂੰ ਜੱਚਦੀਆਂ ਨੇ ,
ਖੁਸ਼ਹਾਲ ਹਾਂ, ਸਾਡਾ ਖੁਸ਼ਹਾਲ ਸੂਬਾ ।
ਪੂਰੀ ਦੁਨੀਆਂ ਵਿੱਚ , ਧਾਕ ਪੰਜਾਬੀਆਂ ਦੀ ,
ਪੰਜਾਬ ਹੈ ਇੱਕ , ਬੇਮਿਸਾਲ ਸੂਬਾ ।
ਬੇਰੁਜ਼ਗਾਰੀ , ਕਰਜ਼ਈ ਕਿਰਸਾਨੀਆਂ ਦਾ ,
ਖ਼ੁਦਕੁਸ਼ੀਆਂ ਲਈ , ਇਹ ਕਮਾਲ ਸੂਬਾ ।
ਨਸ਼ੇਖੋਰੀਆਂ, ਚੋਰੀਆਂ , ਡਾਕਿਆਂ ਲਈ ,
ਜ਼ੁਰਮਾਂ ਨਾਲ ਨਿਹਾਲੋ-ਨਿਹਾਲ ਸੂਬਾ ।
ਤੀਆਂ, ਤ੍ਰਿੰਜਣਾ ,ਕਿੱਕਲੀਆਂ ਨਾ ਮੇਲੇ ,
ਪਾਊਂਦੈ ਡੀ.ਜੇ.'ਤੇ ਪੱਬੀਂ ਧਮਾਲ ਸੂਬਾ ।
ਸਭਿਆਚਾਰ ਤੇ ਵਿਰਸੇ ਨੂੰ ਭੁੱਲ ਬੈਠਾ ,
ਵੇਚ ਵਿਰਾਸਤਾਂ ,ਪੇਟ ਰਿਹੈ ਪਾਲ ਸੂਬਾ ।
'ਸਪਤ ਸਿੰਧੂ' ਅਖ਼ਵਾਉਂਦਾ ਸੀ ਕਿਸੇ ਵੇਲੇ ,
ਦਿੱਲੀ ਤੱਕ ਸੀ, ਇਹ ਵਿਸ਼ਾਲ ਸੂਬਾ ।
ਦਮਗਜ਼ੇ ਲੱਖ ਮਾਰਦੇ ਫਿਰਨ ਨੇਤਾ ,
ਹੋ ਗਿਆ ਚਾਦਰੋਂ, ਸੁੰਗੜ ਰੁਮਾਲ ਸੂਬਾ ।
ਕਿੰਨਾ ਉਭਰਿਆ 'ਤੇ ਕਿੰਨਾ ਨਿਘਰਿਆ ਹੈ ,
ਸਭ ਜਾਣਦੇ ਸਾਲ ਦੇ ਸਾਲ ਸੂਬਾ ।
'ਕਾਹਲੋਂ ' ਸੋਚ, ਵਿਚਾਰ,ਨਿਰਪੱਖ ਹੋ ਕੇ ,
ਤੇਰਾ ਹੋ ਗਿਆ ਸੱਚੀਂ ਕੰਗਾਲ ਸੂਬਾ ॥
ਖੁਸ਼ਹਾਲ ਹਾਂ, ਸਾਡਾ ਖੁਸ਼ਹਾਲ ਸੂਬਾ ।
ਪੂਰੀ ਦੁਨੀਆਂ ਵਿੱਚ , ਧਾਕ ਪੰਜਾਬੀਆਂ ਦੀ ,
ਪੰਜਾਬ ਹੈ ਇੱਕ , ਬੇਮਿਸਾਲ ਸੂਬਾ ।
ਬੇਰੁਜ਼ਗਾਰੀ , ਕਰਜ਼ਈ ਕਿਰਸਾਨੀਆਂ ਦਾ ,
ਖ਼ੁਦਕੁਸ਼ੀਆਂ ਲਈ , ਇਹ ਕਮਾਲ ਸੂਬਾ ।
ਨਸ਼ੇਖੋਰੀਆਂ, ਚੋਰੀਆਂ , ਡਾਕਿਆਂ ਲਈ ,
ਜ਼ੁਰਮਾਂ ਨਾਲ ਨਿਹਾਲੋ-ਨਿਹਾਲ ਸੂਬਾ ।
ਤੀਆਂ, ਤ੍ਰਿੰਜਣਾ ,ਕਿੱਕਲੀਆਂ ਨਾ ਮੇਲੇ ,
ਪਾਊਂਦੈ ਡੀ.ਜੇ.'ਤੇ ਪੱਬੀਂ ਧਮਾਲ ਸੂਬਾ ।
ਸਭਿਆਚਾਰ ਤੇ ਵਿਰਸੇ ਨੂੰ ਭੁੱਲ ਬੈਠਾ ,
ਵੇਚ ਵਿਰਾਸਤਾਂ ,ਪੇਟ ਰਿਹੈ ਪਾਲ ਸੂਬਾ ।
'ਸਪਤ ਸਿੰਧੂ' ਅਖ਼ਵਾਉਂਦਾ ਸੀ ਕਿਸੇ ਵੇਲੇ ,
ਦਿੱਲੀ ਤੱਕ ਸੀ, ਇਹ ਵਿਸ਼ਾਲ ਸੂਬਾ ।
ਦਮਗਜ਼ੇ ਲੱਖ ਮਾਰਦੇ ਫਿਰਨ ਨੇਤਾ ,
ਹੋ ਗਿਆ ਚਾਦਰੋਂ, ਸੁੰਗੜ ਰੁਮਾਲ ਸੂਬਾ ।
ਕਿੰਨਾ ਉਭਰਿਆ 'ਤੇ ਕਿੰਨਾ ਨਿਘਰਿਆ ਹੈ ,
ਸਭ ਜਾਣਦੇ ਸਾਲ ਦੇ ਸਾਲ ਸੂਬਾ ।
'ਕਾਹਲੋਂ ' ਸੋਚ, ਵਿਚਾਰ,ਨਿਰਪੱਖ ਹੋ ਕੇ ,
ਤੇਰਾ ਹੋ ਗਿਆ ਸੱਚੀਂ ਕੰਗਾਲ ਸੂਬਾ ॥
No comments:
Post a Comment