ਕਿੱਕਰ
ਬੂਟਾ ਹਾਂ ਮੈ ਕਿੱਕਰ ਦਾ
ਤੇ ਕੰਡੇ ਮੇਰਾ ਵਜੂਦ
ਕਰਨਾ ਵੀ ਚਾਹੇ ਪਿਆਰ...
ਤਾਂ ਕੋਈ ਕਿਸ ਤਰਾਂ ਕਰੇ...
ਬੇਸ਼ੱਕ ਨੇ ਮੈਨੂੰ ਬਖ਼ਸ਼ੀਆਂ
ਰੱਬ ਲੱਖ ਨਿਆਂਮਤਾਂ
ਪਰ ਇੱਕ ਦਾਤਣ ਦੇ ਲਈ ਖਾਰ
ਕੋਈ ਕਿਸ ਤਰਾਂ ਜਰੇ...
ਮੇਰੀ ਜੜਾਂ ਚ ਵਸ ਰਹੇ ਨੇ
ਕੀੜੇਆਂ ਦੇ ਭੌਣ
ਗਲ਼ ਲਾਉਣ ਦੇ ਲਈ
ਯਾਰ ਪੈਰ ਕਿਸ ਤਰਾ ਧਰੇ...
ਮੇਰੇ ਫੁਲ ਚ ਵੀ ਓਹ ਖੁਸ਼ਬੋ ਨਹੀ
ਕਿ ਮੰਨ ਜਾਏ ਮਹਿਬੂਬ
ਕਿਸੇ ਜ਼ੁਲਫ਼ ਦਾ ਸ਼ਿੰਗਾਰ
ਫ਼ਿਰ ਕੋਈ ਕਿਸ ਤਰਾ ਕਰੇ..
ਬਹਾਦਰ ਵੇ ਤੇਰੀ ਜ਼ਿੰਦਗੀ ਵੀ
ਮੇਰੇ ਤੋਂ ਨਾਂ ਜੁਦਾ
ਹੁਣ ਤੂੰ ਦੱਸ ਤੜਪਦੇ ਦਿਲ ਤੇ
ਪੱਥਰ ਕਿਸ ਤਰਾ ਧਰੇ...
ਬੂਟਾ ਹਾਂ ਮੈ...
No comments:
Post a Comment