ਦਸ ਕਰੇਂਗਾ - ਦਇਆ ਬਾਬੂ ਨਮਨ
ਮੇਰਾ ਅੰਦਰ
ਪਿਹੂ ਪਿਹੂ ਗਾਵੇ
ਝੱਲੀ ਕੋਇਲ
ਅੱਖ ਟਪਕਾਵੇ
ਜਿੰਦ ਨਿਮਾਣੀ
ਔਂਸੀਆਂ ਪਾਵੇ
ਨਾ ਢਾਹ ਵੇ
ਨਾ ਜ਼ੁਲਮ ਢਾਹ ਵੇ
ਦੱਸ ਵੇ ਜ਼ਾਲਮਾਂ
ਦੱਸ ਕੀ ਕਰਾਂ !
ਆ ਵੇ ਖਸਮਾ
ਤੈਨੂੰ ਕਰਾਂ ਟਕੋਰਾਂ
ਬਾਝੋਂ ਤੇਰੇ ਸਾਨੂੰ
ਥੋੜ੍ਹਾਂ ਹੀ ਥੋੜ੍ਹਾਂ
ਕੱਲਰ ਮਿੱਟੀ ਵੇ
ਥੋਰ੍ਹਾਂ ਹੀ ਥੋਰ੍ਹਾਂ
ਆ ਵੇ ਖਸਮਾਂ
ਤੇਰੀਆਂ ਲੌੜਾਂ
ਦੱਸ ਵੇ ਜ਼ਾਲਮਾਂ
ਦੱਸ ਕੀ ਕਰਾਂ !
ਕੱਲੀ ਮੈਂ ਪਾਣੀ
ਭਰਦੀ ਹਾਂ ਵੇ
ਨਾਲ ਆਪੇ ਦੇ
ਲੜਦੀ ਹਾਂ ਵੇ
ਅੰਦਰੋ ਅੰਦਰ
ਸੜਦੀ ਹਾਂ ਵੇ
ਅੱਜ ਵੀ ਤੇਰੇ ਤੇ
ਮਰਦੀ ਹਾਂ ਵੇ
ਦੱਸ ਵੇ ਜ਼ਾਲਮਾਂ
ਦੱਸ ਕੀ ਕਰਾਂ !
ਆ ਸੱਜਣਾ ਫੁੱਲ
ਮਹਿਕੇ ਹੋਏ ਨੇ
ਤੇਰੇ ਲਈ ਸਾਹ
ਬਹਕੇ ਹੋਏ ਨੇ
ਕਿੰਨਾ ਵੇ ਰਹਿ -
ਰਹਿ ਕੇ ਰੋਏ ਨੇ
ਅੱਖਾਂ ਵਿਚ ਬਾਬੂ
ਮੇਰੇ ਵੀ ਕੋਏ ਨੇ
ਦੱਸ ਵੇ ਜ਼ਾਲਮਾ
ਦੱਸ ਕੀ ਕਰਾਂ !!
No comments:
Post a Comment