ਸੁਖਦੀਪ ਸਿੰਘ ਬਰਨਾਲਾ
Sukhdeep Singh Barnala
ਵੇਖਿਆ ਜਾਂਦਾ ਨਹੀਂ ਸਰੋਵਰ ਦਾ ਲਾਲ ਪਾਣੀ
ਪਿਆ ਕੌਮ ਤੇ ਵਖਤ ਨਹੀਂ ਵੇਖ ਹੁੰਦਾ
ਵੇਖੀ ਜਾਂਦੀ ਫਿਜ਼ਾ ਵਿਚ ਚੁੱਪ ਪਸਰੀ
ਖੰਡਰ ਹੋਇਆ ਤਖਤ ਨਹੀਂ ਵੇਖ ਹੁੰਦਾ
ਅਮ੍ਰਿਤਸਰ ਵੱਲੋਂ ਚਲਦੀ ਹਵਾ ਵਿਚੋਂ
ਮੈਨੂੰ ਆਉਂਦੀ ਬਰੂਦ ਦੀ ਬੋ ਮਾਏ
ਵਿਚ ਚੁਲ੍ਹੇ ਤੂੰ ਬਾਲਦੀ ਅੱਗ ਜਿਹੜੀ
ਲੱਗਦੀ ਸ਼ਹੀਦਾਂ ਦੇ ਸਿਵਿਆਂ ਦੀ ਲੋਅ ਮਾਏ
ਚਾਰੇ ਲਾਲ ਉਹਨੇ ਧਰਮ ਤੋਂ ਵਾਰ ਦਿੱਤੇ
ਤੂੰ ਵੀ ਕਰਦੇ ਅੱਜ ਇੱਕ ਅਹਿਸਾਨ ਮਾਂਏ
ਜੇ ਨਾ ਲੜਿਆ ਮੈਂ ਅਜੀਤ ਜੁਝਾਰ ਵਾਂਗੂ
ਬਾਜਾਂ ਵਾਲੇ ਦੀ ਕੀ ਸੰਤਾਨ ਮਾਂਏ
ਨਾਲ ਧਿਆਨ ਦੇ ਬਹਿ ਕੇ ਸੁਣ ਤਾਂ ਸਹੀ
ਵਾਜਾਂ ਮਾਰਦੀ ਸਰਹੰਦ ਦੀ ਕੰਧ ਮਾਏ
ਇਤਿਹਾਸ ਆਪਣਾ ਆਪ ਦੁਹਰਾ ਰਿਹਾ ਏ
ਤਵਾਰੀਖ ਕਰਦੀ ਸਿਰਾਂ ਦੀ ਮੰਗ ਮਾਂਏ
No comments:
Post a Comment