ਕੋਈ ਪਤਾ ਨਹੀਂ - ਜਗਜੀਤ ਸਿੰਘ ਪਿਆਸਾ
Koyi Pata Nahi - Jagjit Singh Piasa
ਕੋਈ ਪਤਾ ਨਹੀਂ ਕਿਸ ਬੰਦੇ ਨੇ , ਕਿੱਥੇ ਰਹਿਣਾ ਬਹਿਣਾ ਹੈ |
ਕਿਸ ਨੂੰ ਖੁਸ਼ੀਆਂ ਦੇਣੀਆਂ ਨੇ , ਤੇ ਕਿਸ ਦੇ ਗਮ ਨੂੰ ਸਹਿਣਾ ਹੈ |
ਚਿੱਤ ਹਲੀਮੀ ਰੱਖ ਸੱਜਣਾ , ਜੇ ਤੂੰ ਰੱਬ ਨੂੰ ਪਾਉਣਾ ਹੈ ,
ਉਹੀਉ "ਅੰਗਦ" ਬਣ ਸਕਦਾ ਹੈ ,ਜਿਸ ਦੇ ਅੰਦਰ "ਲਹਿਣਾ" ਹੈ |
ਮਿਸ਼ਰੀ ਵਰਗੇ ਬੋਲ ਸਦਾ , ਪਿਆਰ ਦੀ ਤੱਕੜੀ ਤੋਲ ਸਦਾ ,
ਚੁੰਨੀ ਸਿਰ ਤੇ ਅੱਖ ਹਯਾ , ਇਹ ਔਰਤ ਦਾ ਗਹਿਣਾ ਹੈ |
ਉਮਰਾਂ ਦੀਆਂ ਰੱਖ ਮੁਨਿਆਦਾਂ ,ਜਿਹੜੇ ਮਹਿਲ ਉਸਾਰੇੰ ਤੂੰ ,
ਅਗਲੇ ਪਲ ਦੀ ਖਬਰ ਨਾ ਤੈਨੂੰ , ਤੂੰ ਵੀ ਆਖਿਰ ਢਹਿਣਾ ਹੈ |
No comments:
Post a Comment