Satnam Singh Boparai
ਹੁਣ ਸਮਝ ਆਇਆ 'ਫ਼ਸਾਨਾ ਪਿਆਰ ਦਾ,
ਦਿਲ ਮੇਰਾ ਬਸ ਸੀ ਨਿਸ਼ਾਨਾ ਯਾਰ ਦਾ !!
ਇਸ ਅਦਾ ਨਾਲ, ਉਹ ਮੈਨੂੰ ਆਪਣਾ ਕਹੇ,
ਕਿ ਭੇਦ ਨਾ ਪਾਵਾਂ ਉਸਦੇ ਇਜਹਾਰ ਦਾ !!
ਹਉਕਾ ਬਣ ਕੇ ਰਹਿ ਗਈ ਹਰ ਆਰਜੂ,
ਇਹ ਕਰਿਸ਼ਮਾ ਹੈ ਉਹਦੇ ਇਕਰਾਰ ਦਾ!!
ਮੈਂ ਫ਼ਕ਼ਤ ਤਸਵੀਰ ਬਣ ਕੇ ਰਹਿ ਗਿਆਂ,
ਸ਼ਹਿਰ ਵਿੱਚ ਚਰਚਾ ਹੈ ਬਸ ਫ਼ਨਕਾਰ ਦਾ!!
ਉਮਰ ਭਰ ਦੇ ਗਮ ਉਹ ਝੋਲੀ ਪਾ ਗਿਆ,
ਇਹ ਕਰਮ ਹੋਇਆ, ਮੇਰੇ ਦਿਲਦਾਰ ਦਾ !!
ਹਾਸਿਲ ਮੇਰੇ ਸਫ਼ਰ ਦਾ........ ਰਸਤੇ ਰਹੇ,
ਸ਼ੌਕ ਆਪਣੇ ਤੋਂ .........ਰਿਹਾਂ ਖੁਦ ਹਾਰਦਾ !!
No comments:
Post a Comment