ਸਿਲਾ - ਸਤਨਾਮ ਸਿੰਘ ਬੋਪਾਰਾਏ
ਹਰ ਹਾਲ ਵਿੱਚ ਚੜਦੀ ਕਲਾ,
ਮੰਗਦਾ ਹੈ ਸਿੱਖ ਸਭਦਾ ਭਲਾ ॥
ਦੁਸ਼ਮਣਾ ਤੇ ਰਹਿਮ ਦੀ..
ਬਾਨੀ ਚੋਂ ਸਿਖੀ ਹੈ ਕਲਾ ॥
ਕਾਤਿਲ ਨੂੰ ਪਾਠ ਸਿਖਾਉਣ ਲਈ,
ਧਨੀ ਤੇਗ ਦਾ ਲਏ ਸਰ ਕਟਾ॥
ਆਪਣਾ, ਨਾ ਬੇਗਾਨਾ ਕੋਈ,
ਨਾ ਵੈਰ, ਤੇ ਨਾ ਕੋਈ ਗਿਲਾ ॥
ਤੱਤੀ ਤਵੀ ਤੇ ਬੈਠ ਕੇ,
ਤੇਰਾ ਕੀਯਾ ਮੀਠਾ ਲਗਾ॥
ਇਸ ਕੌਮ ਦੀ ਰੱਖਿਆ ਲਈ,
ਪ੍ਰਗਟਿਓ ਮਰਦ ਅਗੰਮੜਾ॥
ਸਰ ਰੱਖ ਤਲੀ ਤੇ ਦੀਪ ਸਿੰਘ,
ਪਾਵੇ ਵੈਰੀਆਂ ਨੂੰ ਭਾਝੜਾਂ॥
ਪਰ ਸੋਚਦਾ ਹਾਂ ਬਲਿਦਾਨਾਂ ਦਾ,
ਕੀ ਕੌਮ ਨੂੰ ਮਿਲਿਆ ਸਿਲਾ ॥
No comments:
Post a Comment