ਦੋਹੇ - ਪੰਜਾਬ ਦੀ ਵੰਡ ਬਾਰੇ - ਡ: ਲੋਕ ਰਾਜ
ਕਿਸਨੇ ਵੇਹੜਾ ਵੰਡਿਆ, ਕਿਸ ਨੇ ਵਾਹੀ ਲੀਕ
ਬਹਿ ਕੰਡਿਆਲੀ ਤਾਰ ਤੇ, ਕਰਦਾ ਕੌਣ ਉਡੀਕ
ਲੋਭ ਦੇ ਭੁੱਖੇ ਚੌਧਰੀ, ਧਰਮ ਦਾ ਲੈ ਕੇ ਨਾਂ
ਓਸੇ ਰੁਖ ਨੂੰ ਛਾਂਗਿਆ, ਮਾਣੀ ਜਿਸ ਦੀ ਛਾਂ
ਕਦੇ ਨਾ ਬਹਿ ਕੇ ਸੋਚਿਆ, ਕੀ ਅੱਲਾਹ ਕੀ ਰਾਮ
ਕਿਸ ਤੋਂ ਹੋਏ ਆਜ਼ਾਦ ਸਾਂ, ਕਿਸ ਦੇ ਬਣੇ ਗੁਲਾਮ
ਤੈਨੂੰ ਗੈਰਾਂ ਵੰਡਿਆ, ਧਾਰ ਕੇ ਮਜ਼ਹਬੀ ਭੇਖ
ਤੂੰ ਬੈਠਾ ਘਰ ਫੂਕ ਕੇ, ਰਿਹਾ ਤਮਾਸ਼ਾ ਦੇਖ
ਉਠ ਦੁੱਲੇ ਦੇ ਵਾਰਸਾ ਉਠ ਆਪਣਾ ਦੇਸ਼ ਬਚਾ
ਨਾਨਕ ਅਤੇ ਫਰੀਦ ਦੇ, ਵਿਚ ਨਾ ਵਿੱਥਾਂ ਪਾ
No comments:
Post a Comment