ਯਾਦਾਂ ਦੇ ਪਰਛਾਵੇਂ - ਜਤਿੰਦਰ ਲਸਾੜਾ
ਯਾਦਾਂ ਦੇ ਪਰਛਾਵੇਂ, ਉਮਰਾਂ ਢਲ਼ ਗਈਆਂ
ਕਿੰਨੀਆਂ ਰੁੱਤਾਂ ਆ ਕੇ ਰੰਗ ਬਦਲ ਗਈਆਂ
ਜਨਮ-ਮਰਨ ਦਾ ਚੱਕਰ, ਚੱਕਰ ਲਾਉਂਦਾ ਹੈ,
ਕੁਝ ਤੁਰੀਆਂ ਕੁਝ ਨਵੀਆਂ ਰੂਹਾਂ ਰਲ਼ ਗਈਆਂ
ਸ਼ੁਭ-ਘੜੀਆਂ ਦੀ ਹੋਠਾਂ 'ਤੇ ਮੁਸਕਾਨ ਤਰੇ,
ਦੁਰ-ਘਟਨਾਵਾਂ, ਮੱਥੇ, ਪੀੜਾਂ ਮਲ਼ ਗਈਆਂ
ਕਿੰਨੀਆਂ ਰੀਝਾਂ ਮੋਈਆਂ ਦਿਲ ਦੀ ਸਰਦਲ 'ਤੇ,
ਕਿੰਨੀਆਂ ਰੀਝਾਂ ਫਿਰ ਤੋਂ ਨਵੀਆਂ ਪਲ਼ ਗਈਆਂ
ਉੱਧੜ ਜਾਣੈ, ਬੁਣਿਆ ਜਾਲ਼ ਸੁਆਸਾਂ ਦਾ,
ਜੀਵਨ ਤੰਦਾਂ ਅਜ ਗਈਆਂ ਕਿ ਕਲ ਗਈਆਂ
No comments:
Post a Comment