ਬੰਦਾ - ਜਗਜੀਤ ਪਿਆਸਾ
ਖੁਸ਼ੀਆਂ ਦੇ ਵਿੱਚ ਢੋਲੇ, ਮਾਹੀਏ ਗਾਉਂਦਾ ਹੈ ਬੰਦਾ |
ਦੁੱਖਾਂ ਦੇ ਵਿੱਚ ਰੋ ਰੋ ਹਾਲ ਸੁਣਾਉਂਦਾ ਹੈ ਬੰਦਾ |
ਅੱਲ੍ਹੜ ਉਮਰੇ ਯਾਰੋ, ਕਿਸੇ ਨੂੰ ਯਾਦ ਨਹੀਂ ਹੁੰਦਾ,
ਵਿੱਚ ਬੁਢਾਪੇ ਮੁੜ ਮੁੜ ਰੱਬ ਧਿਆਉਂਦਾ ਹੈ ਬੰਦਾ |
ਤੰਗੀ ਤੁਰਸ਼ੀ ਦੇ ਵਿੱਚ ਕਢੇ, ਹਰਦਮ ਲੇਹਲੜ੍ਹੀਆਂ,
ਹੋਵੇ ਰੱਜਿਆ ਪੁੱਜਿਆ, ਭੜਥੂ ਪਾਉਂਦਾ ਹੈ ਬੰਦਾ |
ਮਾਰੀ ਜਿਸ ਨੂੰ ਠੋਕਰ, ਯਾਰੋ ਵਿੱਚ ਗਰੀਬੀ ਦੇ,
ਜਦ ਹੋਜੇ ਮਾਇਆਧਾਰੀ, ਤਾਂ ਵਡਿਆਉਂਦਾ ਹੈ ਬੰਦਾ |
ਵੇਹਲਾ ਬੰਦਾ ਹੁੰਦਾ ਯਾਰ, ਸ਼ੈਤਾਨ ਨਿਆਈਂ ਹੈ,
ਲੱਗਦੀ ਹੋਵੇ ਜਿੱਥੇ, ਲੂਤੀ ਲਾਉਂਦਾ ਹੈ ਬੰਦਾ |
ਲੈਣੇ ਹੋਣ " ਪਿਆਸੇ ", ਪੈਸੇ ਰੋਹਬ ਜਮਾਉਂਦਾ ਹੈ,
ਦੇਣੇ ਹੋਣ ਤਾਂ ਪੈਰੀਂ ਹਥ, ਵੀ ਲਾਉਂਦਾ ਹੈ ਬੰਦਾ |
ਲੈਣੇ ਹੋਣ " ਪਿਆਸੇ ", ਪੈਸੇ ਰੋਹਬ ਜਮਾਉਂਦਾ ਹੈ,
ਦੇਣੇ ਹੋਣ ਤਾਂ ਪੈਰੀਂ ਹਥ, ਵੀ ਲਾਉਂਦਾ ਹੈ ਬੰਦਾ |
No comments:
Post a Comment