ਗ਼ਜ਼ਲ - ਲਿਆਕਤ ਗੱਡਗੋਰ
Ghazal - Liakat Gadgor
Ghazal - Liakat Gadgor
ਉਹਦਾ ਹੁਸਨ, ਜਮਾਲ, ਕੀ ਦੱਸਾਂ
ਰੱਬ ਦੈ ਖ਼ਾਸ ਕਮਾਲ, ਕੀ ਦੱਸਾਂ
ਵੱਖਰਾ ਨਖ਼ਰਾ ਦੁਨਿਆ ਨਾਲੋਂ
ਜੱਗ ਤੋਂ ਵੱਖਰੀ ਚਾਲ, ਕੀ ਦੱਸਾਂ
ਤੀਰ ਨਜਰ ਦਾ ਡਾਹਡਾ,ਕਾਰੀ
ਸੱਪਾਂ ਵਾਂਗੂੰ ਵਾਲ਼, ਕੀ ਦੱਸਾਂ
ਕੀ ਦੱਸਾਂ ਮੈਂ ਉਹਦਾ ਨਕਸ਼ਾ
ਦੱਸਣ ਬਹੁਤ ਮੁਹਾਲ, ਕੀ ਦੱਸਾਂ
ਉਹਦੇ ਵਰਗਾ ਦਿੱਸਿਆ ਕੋਈ ਨਹੀਂ
ਉਹਦੀ ਹੋਰ ਮਿਸਾਲ ਕੀ ਦੱਸਾਂ
ਬਾਝ ਵਸਲ ਦੇ ਕੀ ਪੁੱਛਦੇ ਓ
ਕੋਈ ਨਹੀਂ ਹੋਰ ਸਵਾਲ ਕੀ ਦੱਸਾਂ
No comments:
Post a Comment