ਗ਼ਜ਼ਲ - ਹਰਮਨ ਸੂਫ਼ੀ ਲਹਿਰਾ
Ghazal - Harman Sufi Lehra
ਦਿਲਬਰ ਨੂੰ ਸਮਝਾਵਾਂ ਕਿੱਦਾਂ?
ਦਿਲ ਦਾ ਹਾਲ ਸੁਣਾਵਾਂ ਕਿੱਦਾਂ?
'
ਬਹੁਤ ਸਤਾਉਂਦੀ ਉਸਦੀ ਦੂਰੀ,
ਉਸਨੂੰ ਕੋਲ ਬੁਲਾਵਾਂ ਕਿੱਦਾਂ?
ਨਿੱਕੀ ਜਿੰਨੀ ਗੱਲ ਤੇ ਰੁੱਸਦਾ,
ਰੁੱਸਿਆ ਯਾਰ ਮਨਾਵਾਂ ਕਿੱਦਾਂ?
ਵਰ੍ਹਿਆਂ ਪਿੱਛੋਂ ਮਿਲਿਆ ਸੱਜਣ,
ਮੁੱਖ ਤੋਂ ਨਜ਼ਰ ਹਟਾਵਾਂ ਕਿੱਦਾਂ?
ਸਾਉਣ ਮਹੀਨੇ ਛੱਡ ਗਿਆ ਮਾਹੀ,
ਹਾਰ ਸ਼ਿੰਗਾਰ ਲਗਾਵਾਂ ਕਿੱਦਾਂ?
ਭੋਲਾ ਮਾਹੀ ਰਮਜ਼ ਨ ਸਮਝੇ,
ਦਿਲ ਦੀ ਗੱਲ ਸਮਝਾਵਾਂ ਕਿੱਦਾਂ?
No comments:
Post a Comment