ਆਓ ਨੀ ਯਾਦੋ ਦਿਲ ਦੇ ਵੇਹੜੇ - ਸੁਰਜੀਤ ਸਿੰਘ ਗਿੱਲ
Aao Ni Yaado Dil De Vehde - Surjit Singh Gill Gholia
ਮੇਰੇ ਸੋਹਣੇ ਜੇ ਪਿੰਡ ਦੀਆਂ ਸੋਹਣੀਆਂ ਸੋਹਣੀਆਂ ਗਲ੍ਹੀਆਂ,
ਜਿਨਾਂ ਮੇਰੀ ਰੂਹ ਦੀਆਂ ਦਹਿਲੀਜਾਂ ਸਦਾ ਲਈ ਮੱਲੀਆਂ ।
ਮੇਰੇ ਮਨ ਤੇ ਮਣਾਂ ਮੂੰਹੀਂ ਅਹਿਸਾਨ ਹੈ ਇਸ ਮਿੱਟੀ ਦਾ ,
ਲਖਾਂ ਇਸਦੀਆਂ ਯਾਦਾਂ ਕੁਝ ਭੋਲੀਆਂ ਤੇ ਝੱਲ ਬਲੱਲੀਆਂ।
ਪੂਰਬ ਤੋਂ ਆਉਂਦੀ ਹਵਾ ਜੋ ਮੇਰੇ ਹ਼ੀ ਪਿੰਡ ਤੋਂ ਆਵੇ ,
ਇਹ ਯਾਦਾਂ ਵਿਚ ਸੰਧਾਰੇ ਮੇਰੀ ਮਿੱਟੀ ਮੇਰੇ ਵੱਲ ਘੱਲੀਆਂ ।
ਆਓ ਨੀ ਯਾਦੋ ਸਦਾ ਜੀ ਆਇਆਂ ਨੂੰ ਦਿਲ ਦੇ ਵੇਹੜੇ ,
ਸੂਰਜ ਅਸਤ ਹੋਣ ਦੇ ਨੇੜੇ ਸਮਝੋ ਸ਼ਾਮਾਂ ਪੈ ਚੱਲੀਆਂ ॥
No comments:
Post a Comment