ਪੰਜਾਬ - ਜੱਸੀ ਆਸਟਰੇਲੀਆ
Ronda Akhan Naal Panjab - Jassi Australia
ਹਾਲਤ ਬਹੁਤਿਆ ਦੀ ਦੇਖ ਕੇ ਖਰਾਬ ਆਇਆ ਹਾਂ,
ਰੋਦਾਂ ਅੱਖਾਂ ਨਾਲ਼ ਦੇਖ ਕੇ ਪੰਜਾਬ ਆਇਆ ਹਾਂ ।
ਜਿਹੜੇ ਮਿਲਦੇ ਨੇ ਰੋਜ ਹੱਥ ਜੋੜ ਜੋੜ ਕੇ ,
ਉਹੀ ਰੱਤ ਸਾਡਾ ਪੀ ਗਏ ਨਿਚੋੜ ਨਿਚੋੜ ਕੇ ,
ਦੇਖ ਹਾਕਮਾਂ ਦਾ ਇੱਦਾ ਦਾ ਹਿਸਾਬ ਆਇਆ ਹਾਂ ,
ਰੋਦਾਂ ਅੱਖਾਂ ਨਾਲ਼ ਦੇਖ ਕੇ ਪੰਜਾਬ ਆਇਆ ਹਾਂ ।
ਨਸ਼ੇ ਟੀਕਿਆ ਤੇ ਲੱਗ ਗਏ ਨੇ ਗੱਭਰੂ ਸ਼ਕੀਨ ,
ਬੱਚੇ ਛੋਟੇ ਛੋਟੇ ਲੱਗ ਗਏ ਸਮੈਕਾ ਪੀਣ ,
ਥਾਂ ਥਾਂ ਤੇ ਖੁੱਲੇ ਦੇਖ ਠੇਕੇ ਸ਼ਰਾਬ ਆਇਆ ਹਾਂ ,
ਰੋਦਾਂ ਅੱਖਾਂ ਨਾਲ਼ ਦੇਖ ਕੇ ਪੰਜਾਬ ਆਇਆ ਹਾਂ ।
ਕੋਣ ਮਾਰ ਜਾਵੇ ਕਦੋ ਕੋਈ ਰਾਤ ਬਰਾਤੇ ,
ਫੇਕ ਇੰਨਕੋਟਰਾਂ ਨੇ ਤਾਂ ਸਾਰੇ ਸਿਰੇ ਹੀ ਲਾ ਤੇ ,
ਬਦਲੇ ਚੇਹਰਿਆ ਤੇ ਦੇਖ ਕੇ ਨਕਾਬ ਆਇਆ ਹਾਂ ,
ਰੋਦਾਂ ਅੱਖਾਂ ਨਾਲ਼ ਦੇਖ ਕੇ ਪੰਜਾਬ ਆਇਆ ਹਾਂ ।
ਖੁਦਕੁਸ਼ੀ ਕਰ ਜਿੱਥੇ ਅੰਨਦਾਤੇ ਮਰ ਜਾਣ ,
ਜਾਤ ਪਾਤ ਪਿੱਛੇ ਲੱੜ , ਪਈ ਜਾਦੇ ਘਸਮਾਣ ,
ਦੇਖ ਹੰਝੂਆਂ ਦਾ ਵਗਦਾ ਚਨਾਬ ਆਇਆ ਹਾਂ ,
ਰੋਦਾਂ ਅੱਖਾਂ ਨਾਲ਼ ਦੇਖ ਕੇ ਪੰਜਾਬ ਆਇਆ ਹਾਂ ।
ਪਤਾ ਲੱਗਾ ਨਾ ਸ਼ਿਕਾਰੀਆਂ ਨੇ ਜਾਲ ਪਾ ਲਿਆ ,
ਕਿਹਦੀਆ ਨਜ਼ਰਾਂ ਨੇ ਰੰਗਲਾ ਪੰਜਾਬ ਖਾ ਲਿਆ ,
ਇਸ ਸਵਾਲ ਦਾ ਮੈ ਲੱਭਦਾ ਜਬਾਬ ਆਇਆ ਹਾਂ ,
ਰੋਦਾਂ ਅੱਖਾਂ ਨਾਲ਼ ਦੇਖ ਕੇ ਪੰਜਾਬ ਆਇਆ ਹਾਂ ।
No comments:
Post a Comment