ਗੀਤ - ਪ੍ਰਦੀਪ ਕੁਮਾਰ ਮੀਨੀਆ
ਭਾਰਤ ਦੀ ਫੁੱਲਵਾੜੀ ਦੇ ਵਿੱਚ ਖਿੜਿਆ ਫੁੱਲ ਗੁਲਾਬ ਦਾ।
ਜੋ ਸਭ ਨੂੰ ਸੋਹਣਾ ਲੱਗੇ ਕੀ ਕਹਿਣਾ ਦੇਸ ਪੰਜਾਬ ਦਾ।
ਰੱਬ ਵਲੋਂ ਹੀ ਮਹਿਕ ਏਸ ਦੇ ਵਿੱਚ ਸਮਾਈ ਹੈ।
ਖਹਿ ਕੇ ਆਉਂਦੀ ਪੌਣ ਜਿਹੜੀ ਤਾਂ ਹੀ ਨਸ਼ਿਆਈ ਹੈ।
ਬੁੱਲਿਆਂ ਨੂੰ ਵੀ ਹੋਇਆ ਲੱਗੇ ਨਸ਼ਾ ਸ਼ਰਾਬ ਦਾ।
ਜੋ ਸਭ ਨੂੰ ਸੋਹਣਾ ਲੱਗੇ ਕੀ ਕਹਿਣਾ..........।
ਸਾਰਿਆਂ ਤੋਂ ਵੱਧ ਸੁੰਦਰ ਇਹੀ ਚੀਜ਼ ਬਗੀਚੇ ਦੀ।
ਹੋਈ ਸ਼ਿਕਾਰ ਜੋ ਰਹਿੰਦੀ ਜਿਹੜੀ ਸਦਾ ਸਰੀਕੇ ਦੀ।
ਰਾਸ ਨਾ ਆਵੇ ਹੋਰਾਂ ਨੂੰ ਇਹ ਰੁਤਬਾ ਨਵਾਬ ਦਾ।
ਜੋ ਸਭ ਨੂੰ ਸੋਹਣਾ ਲੱਗੇ ਕੀ ਕਹਿਣਾ..........।
ਧੱਕੇਸ਼ਾਹੀਆਂ ਜ਼ਰ ਲੈਂਦਾ ਪਰ ਨਹੀਂ ਕੁਮਲਾਉਂਦਾ ਹੈ।
ਸ਼ਾਨ ਤਿਰੰਗੇ ਦੀ ਨੂੰ ਇਹੇ ਹੋਰ ਵਧਾਉਂਦਾ ਹੈ।
ਮੋਢੀ ਬਣ ਕੇ ਰਿਹਾ ਸ਼ੁਰੂ ਤੋਂ ਇਨਕਲਾਬ ਦਾ।
ਜੋ ਸਭ ਨੂੰ ਸੋਹਣਾ ਲੱਗੇ ਕੀ ਕਹਿਣਾ..........।
ਜਿੰਦ ਜਾਨ ਤੋਂ ਪਿਆਰਾ ਇਹੇ ਕੁੱਲ ਪੰਜਾਬੀ ਨੂੰ।
ਆਂਚ ਆਉਣ ਨਾ ਦੇਣ ਜੋ ਇਹਦੀ ਠਾਠ ਨਵਾਬੀ ਨੂੰ।
ਸਾਰੇ ਹੀ ਸਿਰ ਉ¤ਚਾ ਚੱਕਦੇ ਏਸ ਜਨਾਬ ਦਾ।
ਜੋ ਸਭ ਨੂੰ ਸੋਹਣਾ ਲੱਗੇ ਕੀ ਕਹਿਣਾ..........।
ਪ੍ਰਦੀਪ ਕੁਮਾਰ ਮੀਨੀਆ, ਟਾਂਗਿਆਂ ਵਾਲੀ ਗਲੀ, ਮੋਗਾ
No comments:
Post a Comment