23 ਮਾਰਚ ਦੇ ਸ਼ਹੀਦਾਂ ਦੇ ਨਾਂ - Jatinder Lasara
* 23 ਮਾਰਚ ਦੇ ਸ਼ਹੀਦੀ ਦਿਹਾੜੇ 'ਤੇ ਉਹਨਾਂ ਸਮੂਹ ਸ਼ਹੀਦਾਂ ਦੇ ਨਾਂ
ਜੋ ਮਾਨਵਤਾ, ਮਜਲੂਮਾਂ ਅਤੇ ਹੱਕ-ਸੱਚ ਲਈ ਕੁਰਬਾਨੀਆਂ ਦੇ ਗਏ ॥
ਸੁੱਚੀ ਨਿੱਖਰੀ ਸੋਚ ਕਦੇ ਮਰਿਆ ਨਹੀਂ ਕਰਦੀ ॥
ਕਾਤਿਲ ਅਤੇ ਸ਼ੈਤਾਨਾਂ ਤੋਂ ਡਰਿਆ ਨਹੀਂ ਕਰਦੀ ॥
ਸਿਦਕਾਂ ਵਾਲੇ ਹੱਸ ਰੱਸਾ ਫਾਂਸੀ ਦਾ ਚੁੰਮਦੇ ਨੇ,
ਸੋਚ ਪਵਿੱਤਰ, ਸੂਲੀ ਤੋਂ ਡਰਿਆ ਨਹੀਂ ਕਰਦੀ ॥
ਜ਼ਾਤ ਧਰਮ 'ਤੇ ਊਚ ਨੀਚ ਬੰਦੇ ਨੇ ਉੱਪਜੇ ਨੇ,
ਕੁੱਦਰਤ ਕੋਈ ਭੇਦ ਭਾਵ ਕਰਿਆ ਨਹੀਂ ਕਰਦੀ ॥
ਨਫਰਤ ਵਾਲੇ ਲੋਕ ਕਦੇ ਵੀ ਜਿੱਤ ਨਹੀਂ ਸਕਦੇ,
ਪਿਆਰਾਂ ਵਾਲੀ ਸਾਂਝ ਕਦੇ ਹਰਿਆ ਨਹੀਂ ਕਰਦੀ ॥
ਮਜਲੂਮਾਂ ਦੇ ਸਬਰ ਦਾ ਭਾਂਡਾ ਟੁਟਣ ਵਾਲਾ ਹੈ,
ਭੁੱਖ-ਲਾਚਾਰੀ ਜ਼ੁਲਮ ਸਦਾ ਜ਼ਰਿਆ ਨਹੀਂ ਕਰਦੀ ॥
No comments:
Post a Comment