ਗ਼ਜ਼ਲ - ਰਾਮ ਸਿੰਘ ਭੀਖੀ
ਕੀ ਹੋਇਆ ਜੇ ਵਾਟ ਲਮੇਰੀ ।
ਤੁਰਿਆ ਚਲ ਤੂੰ ਨਾਲ ਦਲੇਰੀ ।
ਮੁਸ਼ਕਿਲ ਹੋ ਜਾਂਦਾ ਹੈ ਜੀਣਾ ,
ਬਹਿ ਜਾਂਦੇ ਜੋ ਢਾਹ ਕੇ ਢੇਰੀ ।
ਸਭ ਕੁਝ ਜਗ ਤੇ ਹੀ ਰਹਿ ਜਾਣਾ ,
ਕਰਦਾ ਕਿਉਂ ਏਂ ਮੇਰੀ-ਮੇਰੀ ।
ਦੀਪ ਜਗਾ ਕੇ ਰੱਖੀ ਹਰਦਮ ,
ਝੁਲਦੀ ਭਾਵੇਂ ਤੇਜ਼ ਹਨੇਰੀ ।
ਈਮਾਨ ਬਚਾ ਕੇ ਰੱਖੀਂ ਤੂੰ ,
ਦੌਲਤ ਮਿਲਜੂ ਹੋਰ ਵਥੇਰੀ ।
ਸਦਕੇ ਜਾਵਾਂ ਵੱਟੇ ਖਾਅ ਕੇ ,
ਮਿੱਠੇ ਮੇਵੇ ਦਿੰਦੀ ਬੇਰੀ ।
ਆਇਆ ਕੋਣ ਹੈ ਸਾਡੇ ਵਿਹੜੇ ,
ਵਿੰਚ ਹਵਾਵਾਂ ਮਹਿਕ ਖਿਲੇਰੀ ।
ਹਿਜਰ ਜਿਦੇ ਵਿੱਚ ਕੋਲੇ ਹੋਇਆ,
ਉਸਨੇ ਬਾਤ ਨਾ ਪੁਛਣੀ ਤੇਰੀ ।
ਛੱਡ ਦਿਲਾ ਹੁਣ ਭੁਲ ਜਾ ਉਸਨੂੰ,
ਪਉਣੀ ਨਹੀਂਉ ਉਸ ਨੇ ਫੇਰੀ ।
No comments:
Post a Comment