ਸਲਾਹ - ਜਸਬੀਰ ਸਿੰਘ
ਚੋਰ ਡਾਕੂ ਕੱਠੇ ਹੋ ਕਰਨ ਸਲਾਹ ਯਾਰੋ
ਵਕਵੇਂ ਦੌਲਤ ਤੇ ਸੌਹਰਤ ਕਮਾਈਏ ਜੀ
ਕੋਈ ਕਹਿੰਦਾ ਬਣ ਜਾਈਏ ਸਮਾਜ ਸੇਵਕ
ਕੋਈ ਕਹਿੰਦਾ ਨੇਤਾ ਬਣ ਜਾਈਏ ਜੀ
ਕੁੱਲਾਂ ਤਰਨਗੀਆਂ ਸੱਤੇ ਫਿਰ ਯਾਰੋ
ਚੂਨਾ ਸਰਕਾਰੀ ਖਜਾਨੇ ਨੂੰ ਲਾਈਏ ਜੀ
ਐਸ ਕਰਾਂਗੇ ਮੂਰਖ ਬਣਾ ਲੋਕੀ
ਪੰਗਾ ਧਰਮਾਂ ਦਾ ਆਪਾਂ ਪਾਈਏ ਜੀ
ਲੋਕੀ ਮਰਦੇ ਨੇ ਤਾਂ ਰਹਿਣ ਮਰਦੇ
ਆਪਾਂ ਜਾ ਵਿਦੇਸ ਕਚਕਨ ਖਾਈਏ ਜੀ
ਭੁੱਖ ਨੰਗ ਤਾਂ ਰਹਿਣੀ ਸਦਾ ਏਥੇ
ਆਪਾਂ ਰੇਸ਼ਮੀ ਪੱਟ ਹੰਢਾਈਏ ਜੀ
ਮਜਦੂਰ ਦੀ ਟੂਪ ਭਾਵੇਂ ਰਹੇ ਪਾਟੀ
ਕੋਈ ਗੱਡੀ ਵਿਦੇਸੋਂ ਮੰਗਵਾਈਏ ਜੀ
ਮੌਜ ਕਰਨੀ ਹੈ ਤਾਂ ਇੱਕ ਸਕੀਮ ਦੱਸਾਂ
ਆਪਾਂ ਸਾਧਾਂ ਨੂੰ ਨਾਲ ਰਲਾਈਏ ਜੀ
ਸੋਹਣੀ ਕਾਰ ਤੇ ਨਾਰ ਪਹੁੰਚੂ ਕੋਲ ਆਪੇ
ਨਾਲ ਉਹਨਾਂ ਦੇ ਮੌਜ ਮਨਾਈਏ ਜੀ
ਗੱਲ ਸਮਝਦਾ ਹੈ ਬੇਦਰਦ ਸਾਰੀ
ਪੜਨੇ ਇਹੋ ਜਿਹਿਆਂ ਨੂੰ ਵੀ ਪਾਈਏ ਜੀ ।
No comments:
Post a Comment