ਸੱਚ ਜਿਉਂਦਾ ਹੈ - ਰਘਬੀਰ ਮੰਡੇਰ
ਕੱਲ੍ਹ ਮੈਨੂੰ ਸੱਚ ਮਿਲਿਆ,
ਪਾਟੇ ਜਿਹੇ ਗਲ ਲੀੜੇ ਸੀ,
ਮਾਸੂਮ ਜਿਹਾ ਇੱਕ ਬਾਲ ਸੀ।
ਬੈਠਾ ਸੀ ਸੜਕ ਕਿਨਾਰੇ,
ਜੁੱਤੀ ਚਮਕਾਉਂਦਾ ਸੀ,
ਚਿਹਰਾ ਕੁਝ ਭੁੱਖਾ ਸੀ ਥੋੜ੍ਹਾ ਬੇਹਾਲ ਸੀ।
ਆਉਂਦਾ ਸੀ ਪਰ ਵੱਲ ਉਸ ਨੂੰ,
ਗਾਹਕ ਭਰਮਾਉਣ ਦਾ।
ਮੈਂ ਵੀ ਕੀਤਾ ਲਾਲਚ,
ਜੁੱਤੀ ਚਮਕਾਉਣ ਦਾ।
ਸੋਚਦਾ ਹਾਂ ਪੁੱਛਿਆ ਨਹੀਂ ਮਿਹਨਤਨਾਮਾ,
ਲੁੱਟ ਨਾ ਲਵੇ ਕਿਤੇ,
ਬਾਕੀਆਂ ਦੇ ਵਾਂਗ ਹੀ।
ਬੜੀ ਹੀ ਸਾਦਗੀ ਨਾਲ ਉਸ ਮੰਗੇ ਜਦ,
ਬਸ ਦੋ ਰੁਪਏ, ਅੱਜ ਦੇ ਸਮੇਂ ਵਿੱਚ।
ਮੈਂ ਆਪਣੀ ਸੁਧਾਰਵਾਦੀ,
ਸੋਚ ਚਮਕਾਉਣ ਲਈ,
ਪੰਜ ਦੇ ਆਖਿਆ ਰੱਖ ਲੈ ਬਾਕੀ ਵੀ।
ਨਾ ਨਾ ਸਾਭ੍ਹ ਜੀ,
ਮੈਂ ਭੀਖ ਨਹੀਂ ਮੰਗਦਾ।
ਮੇਰੀ ਸੁਧਾਰਵਾਦੀ ਸੋਚ ਨੂੰ,
ਮਾਸੂਮ ਸੱਚ ਅੱਜ ਵੀ ਹੈ ਡੰਗਦਾ।
No comments:
Post a Comment