ਕਵਿਤਾ - ਜਗਤਾਰ ਪੱਖੋ ਕਲਾਂ
ਸੁਖਨਵਰਾਂ ਦੇ ਆਪਣੇ ਹੀ ਖਿਆਲਾਤ ਹੁੰਦੇ ਨੇ।
ਹੱਥ ਵਿਚ ਕਲਮ ਦਿਲ ਦੇ ਵਿਚ ਜਜਬਾਤ ਹੁੰਦੇ ਨੇ।
ਜਿਹਨਾਂ ਦੇ ਜਿਹਨ ਵਿਚ ਲੋਕ ਹਿਤਾਂ ਦੀ ਗੱਲ ਹੋਵੇ,
ਕੁਲ ਆਲਮ ਦੇ ਲਈ ਉਹੀ ਲੋਕ ਸੌਗਾਤ ਹੁੰਦੇ ਨੇ।
ਉਹਨਾਂ ਸ਼ਬਦਾਂ ਨੂੰ ਮਿਲਦਾ ਰੂਹਾਨੀਅਤ ਦਾ ਦਰਜਾ,
ਜੋ ਹਰਫ ਸੱਚੇ ਸੁਚੇ ਤੇ ਬੇਬਾਕ ਹੁੰਦੇ ਨੇ।
ਉਹਨਾਂ ਦੇ ਸਿਰਨਾਵੇਂ ਨੂੰ ਕੋਈ ਮੇਟ ਨਹੀਂ ਸਕਦਾ
ਜਿਹੜੀਆਂ ਕੌਮਾਂ ਕੋਲ ਆਪਣੇ ਇਤਿਹਾਸ ਹੁੰਦੇ ਨੇ।
ਕਈ ਅਜਨਬੀ ਇਹੋ ਜਿਹਾ ਮੁਕਾਮ ਪਾ ਲੈਂਦੇ,
ਜੋ ਦੂਰ ਰਹਿੰਦੇ ਹੋਏ ਵੀ ਦਿਲਾਂ ਦੇ ਪਾਸ ਹੁੰਦੇ ਨੇ।
No comments:
Post a Comment