ਚੰਗਾ ਸੁਣੀਏ, ਚੰਗੇ ਬਣੀਏ - ਸੋਨੂੰ ਛਾਬੜਾ
ਚੰਗਾ ਸੁਣੀਏ, ਚੰਗੇ ਬਣੀਏ
ਚੰਗੇ ਸੰਗੀਤ ਦੀ ਇਹੀ ਪਹਿਚਾਣ ਦੋਸਤੋ,
ਜਿਸ ਨੂੰ ਸੁਣ ਕੇ ਮਨ ਖਿੜ ਜਾਵੇ,
ਨਾਲ ਮਿਲ ਜਾਏ ਭਗਵਾਨ ਦੋਸਤੋ,
ਇਹੋ ਜਿਹੇ ਗੀਤ ਨਾ ਸੁਣੀਏ ਜਿਸ ਨਾਲ,
ਰੱਬ ਵੀ ਲੱਗੇ ਸ਼ਰਮਾਣ ਦੋਸਤੋ।
ਧੀਆਂ-ਭੈਣਾਂ ਤੇ ਗੀਤ ਬਣਾ ਕੇ,
ਕਰਤਾ ਪੰਜਾਬੀ ਵਿਰਸਾ ਬੇਜਾਨ ਦੋਸਤੋ।
ਆਪਣੇ ਘਰ ਝਾਤੀ ਨੀ ਮਾਰਦੇ,
ਹਰ ਕੁੜੀ ਚਿੜੀ ਨੂੰ ਬੇਵਫ਼ਾ ਬਨਾਣ ਦੋਸਤੋ।
ਗੰਡਾਸੀਆਂ ਬੰਦੂਕਾਂ ਦਾ ਚੰਗਾ ਇਸਤੇਮਾਲ ਕਰਦੇ,
ਜਿਵੇਂ ਗੀਤ ਨਹੀਂ ਕੋਈ ਜੰਗ ਦਾ ਮੈਦਾਨ ਦੋਸਤੋ।
ਇਹੀ ਗੀਤ ਨੇ ਬੱਚਿਆਂ 'ਤੇ ਵਾਰ ਕਰਦੇ,
ਕੋਈ ਹੈ ਜੋ ਆਵੇ ਬਚਾਣ ਦੋਸਤੋ।
ਉਂਝ ਤਾਂ ਅਸੀਂ ਪੜ੍ਹੇ-ਲਿਖੇ ਵੀ ਹਾਂ,
ਪਰ ਮਿਲਿਆ ਹੈ ਅਨਪੜ੍ਹਤਾ ਦਾ ਵਰਦਾਨ ਦੋਸਤੋ।
ਫੱਤੋ ਦੇ ਯਾਰ ਬੜੇ ਬੱਚਾ ਬੱਚਾ ਗਾਈ ਫਿਰਦਾ,
ਕੀ ਇਹੋ ਈ ਹੈ ਸਾਡੀ ਪਹਿਚਾਣ ਦੋਸਤੋ।
ਚੰਗਾ ਸੁਣੀਏ, ਚੰਗੇ ਬਣੀਏ, ਚੰਗੀ ਪਹਿਚਾਣ ਰੱਖੀਏ,
ਕਰੀਏ ਪੰਜਾਬ ਦੀ ਉੱਚੀ ਸ਼ਾਨ ਦੋਸਤੋ।
ਸੋਨੂੰ ਛੋਬੜਾ ਨੇ ਚੰਗਾ ਕਿਹਾ ਜਾਂ ਫਿਰ ਮਾੜਾ,
ਫ਼ੈਸਲਾ ਤੁਸੀਂ ਕਰੋ, ਨਹੀਂ ਤਾਂ ਰੱਬ ਸਾਨੂੰ ਕਹੇਗਾ ਹੈਵਾਨ ਦੋਸਤੋ।
No comments:
Post a Comment