ਰੰਗਲਾ ( ਗੰਧਲਾ ) ਪੰਜਾਬ ?????? - ਪਰਦਮਣ ਸ਼ਰਮਾ
ਗੰਧਲੇ - ਪੰਜਾਬ ਦੀ ਬਾਤ ਸੁਣਾਵਾਂ
ਚਿੜੀਆਂ ਗੁੰਮ ਗਈਆਂ ਸੰਗ ਕਾਵਾਂ
ਤੇ ਧਰਤੀ , ਖਾਦਾਂ ਕਰਤੀ ਕਾਣੀ
ਯੂਰੇਨੀਅਮ ਰਲਿਆ ਪੀਏ ਪਾਣੀ ......
ਕਾਹਦੀ ਯਾਰੋ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ
ਸੇਫ ਨਾ ਇਥੇ , ਅੱਲੜ ਮੁਟਿਆਰਾਂ
ਘੁੰਮਦੀਆਂ ਮੁਸ਼ਟੰਡਿਆਂ ਦੀਆਂ ਡਾਰਾਂ
ਕੇਹੀ "ਤਰੱਕੀ" ਦੇ ਰਾਹ ਚੜਿਆ ?
ਘਰ ਘਰ ਵਿੱਚ ਕੈਂਸਰ ਹੈ ਵੜਿਆ ......
ਕਾਹਦੀ ਯਾਰੋ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ
ਕੰਨੀ - ਨੱਤੀਆਂ , ਤੇ ਛੱਲੇ - ਛਾਪਾਂ
ਵਾਂਗ ਨਚਾਰਾਂ , ਬਨਾਇਆ ਆਪਾ
ਸੱਦਣ ਬੇਗਾਨੀਆਂ , ਤਾਂਈ ਪੁਰਜ਼ੇ
ਓਏ ! ਕਿਹੜੇ ਰਾਹ ਵੀਰੇ-ਓ ਤੁਰਪੇ ......
ਕਾਹਦੀ ਯਾਰੋ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ
ਹਾਂ ਸਾਵਣ ਆਵੇ ਤੇ ਮੀਂਹ ਵਰਸਾਵੇ
ਪਰ ਕੋਠਾ ਕੰਮੀਆਂ ਦਾ , ਚੋਅ ਜਾਵੇ
ਰੋਵਣ - ਵਿਲਕਣ , ਬਾਲ - ਨਿਆਣੇ
ਭਿੱਜਣ ਜੋ ਹੁੰਦੇ ਘਰ , ਮੁਠ ਦਾਣੇ ......
ਕਾਹਦੀ ਯਾਰੋ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ
ਇਥੇ ਜਾਗਣ ਰਾਠ ਚੋਰਾਂ ਤੋਂ ਡਰਦੇ
ਮੱਛਰ ਬਸਤੀਆਂ ਵਿਚ , ਨੇ ਲੜਦੇ
ਚੈਨ ਨਹੀਂ ਸ਼ਾਹੂਕਾਰਾਂ , ਨਾ ਕੰਮੀਆਂ
ਦਾਜ , ਮਾਰੀ ਜਾਂਦਾ ਹੈ ਅਨਜੰਮੀਆਂ ......
ਕਾਹਦੀ ਯਾਰੋ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ
ਵੀਰੋ ! ਸਭ ਗਾਇਕੋ ਤੇ ਗੀਤਕਾਰੋ
ਜ਼ਰਾ ਕੁ ਕਲਮ ਨੂੰ , ਹੁਣ ਵੰਗਾਰੋ
ਪੀੜੀ ਨਵੀਂ ਨੂੰ , ਕੀ ਛੱਡ ਜਾਣਾ ?
ਲਿਖੋ ਕੁਝ ਐਸਾ , ਸੁਧਰੇ ਜ਼ਮਾਨਾ ......
ਕਾਹਦੀ ਯਾਰੋ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ ਬੱਲੇ
No comments:
Post a Comment