ਕੁੱਖ, ਰੁੱਖ ਤੇ ਮਨੁੱਖ - ਬਲਕਾਰ ਜ਼ੀਰਾ
ਸੜਕਾਂ ਚੌੜੀਆਂ ਕਰਨ ਬਹਾਨੇ, ਸਾਫ਼ ਕਰ ਰਹੇ ਰੁੱਖ
ਨਾਲ ਰੁੱਖਾਂ ਦੇ ਰਿਸ਼ਤਾ ਗੂੜ੍ਹਾ, ਕਰੀਏ ਇਨ੍ਹਾਂ ਦਾ ਸਨਮਾਨ,
ਮਰ ਕੇ ਵੀ ਇਹ ਸਾਥ ਨਾਂ ਛੱਡਣ, ਜਾ ਕੇ ਵਿਚ ਸ਼ਮਸ਼ਾਨ
ਵਿਚ ਕੁੱਖ ਦੇ ਕਤਲ ਹੋ ਰਹੀ, ਨੇੜ ਭਵਿੱਖ ਦੀ ਮਾਂ,
ਸਾਡੀ ਧਰਤ ਸਾਂਝ ਹੈ ਹੋ ਰਹੀ, ਬਿਨਾ ਰੁੱਖਾਂ ਦੀ ਛਾਂ
ਆਓ ਸਾਰੇ ਰਲ ਮਿਲਕੇ ਅਸੀਂ ਕਰੀਏ ਕੋਈ ਓਪਾਅ,
ਕੁੱਖ, ਰੁੱਖ, ਜਲ, ਧਰਤ ਨੂੰ ਰਲ ਲਈਏ ਹੁਣ ਬਚਾਅ
ਸਾਡੀਆਂ ਕੀਤੀਆਂ ਗ਼ਲਤੀਆਂ ਦੀ, ਸਾਨੂੰ ਮਿਲਣੀ ਸਜਾ,
ਡੁੱਲ੍ਹਦੇ ਜਾ ਰਹੇ ਬੇਰਾਂ ਨੂੰ ਲਈਏ ਮੁੜ ਝੋਲੀ ਵਿਚ ਪਾ
ਸਦੀਆਂ ਤੋਂ ਹੀ ਪੂਜਦਾ ਆਇਆ ਮਨੁੱਖ, ਕੰਜਕ,ਰੁੱਖ,
ਸਾਇੰਸ ਯੁੱਗ ਹੁਣ ਆ ਗਿਆ, ਬਣਿਆਂ ਮਸ਼ੀਨ ਮਨੁੱਖ
(ਬਲਕਾਰ ਜ਼ੀਰਾ) ਮਿਤੀ:08-09-2912
No comments:
Post a Comment