ਘੁਟਾਲਾ ਦੌਰ - ਪਰਤਾਪ ਕਠਾਣੀਆਂ
ਦੌਰ ਹੈ ਘੁਟਾਲਿਆਂ ਦਾ, ਤਹਿਲਕਾ ਮਚਾਈ ਜਾਹ।
ਵਾੜ ਖਾਂਦੀ ਖੇਤ ਨੂੰ ਹੈ, ਸਭ ਨੂੰ ਸੁਣਾਈ ਜਾਹ।
ਮਹਿਲੀਂ ਹਾਸੇ ਗੂੰਜਦੇ ਨੇ, ਕੁੱਲੀਆਂ ‘ਚ ਭੁੱਜੇ ਭੰਗ,
ਦੇਸ਼ ਹੈ ਆਜ਼ਾਦ ਭਾਵੇਂ, ਸਮਾਂ ਨਹੀਂ ਭਲਾਈ ਦਾ।
ਚੜ੍ਹੇ ਜਿਸ ਕਾਜ਼ ਲਈ ਸੀ, ਹੱਸ-ਹੱਸ ਫਾਂਸੀ ਸੂਰੇ।
ਅਜੇ ਵੀ ਅਧੂਰਾ ਹੈ ਉਹ, ਰੁਲਦੀ ਲੁਕਾਈ ਆ।
ਸਿਰ ਓਤੇ ਟੋਕਰੀ ਹੈ, ਗਲ ਲੀਰਾਂ ਪਾਟੀਆਂ।
ਖਿੱਚ ਤਸਵੀਰ ਉਹਦੀ, ਕੰਮੀਆਂ ਦੀ ਜਾਈ ਆ।
ਕਵੀਆ ਕਲਮ ਤੇਰੀ, ਵੇਖੀਂ ਕਿਤੇ ਥਿੜਕੇ ਨਾ।
ਹੂੰਝਣੇ ਗੱਦਾਰ ਸਾਰੇ, ਕਰਨੀ ਸਫਾਈ ਆ!!
No comments:
Post a Comment