ਬਾਬਲ - ਮਨਜੀਤ ਸੰਧੂ
ਤੇਰਾ ਦਿੱਤਾ ਪਿਆਰ ਵੇ ਬਾਬਲ ਭੁੱਲਦਾ ਨੀ........
ਵਿਹੜੇ ਖੇਡਣ ਦਿਨ ਚਾਰ ਵੇ ਬਾਬਲ ਭੁੱਲਦਾ ਨੀ........
ਤੇਰੇ ਦਮ ਤੇ ਵਿੱਚ ਪ੍ਰਦੇਸੀ ਉਡੱਦੇ ਰਹੇ..........
ਹੁਣ ਕਿਉ ਗਿਉ ਵਿਸਾਰ ਵੇ ਬਾਬਲ ਭੁੱਲਦਾ ਨੀ......
ਤੇਰੇ ਵਰਗੀ ਹਿੰਮਤ ਸਾਡੀ ਕੋਣ ਧਰੂ.......
ਤੇਰਾ ਮੇਰੇ ਸਿਰ ਪਿਆਰ ਵੇ ਬਾਬਲ ਭੁੱਲਦਾ ਨੀ........
ਤੇਰੇ ਨਾਲ ਸੀ ਰੋਸੇ ਤੇ ਅਧਿਕਾਰ ਮੇਰੇ...........
ਕੀਹਨੂੰ ਕਹਾਂ ਪੁਕਾਰ ਵੇ ਬਾਬਲ ਭੁੱਲਦਾ ਨੀ...........
ਬਾਬਲ ਧੀ ਦਾ ਰਿਸ਼ਤਾ ਨਿੱਘ ਏ ਜਿੰਦਗੀ ਦਾ......
ਹੁਣ ਕੋਣ ਲਡਾਉ ਲਾਡ ਵੇ ਬਾਬਲ ਭੁੱਲਦਾ ਨੀ..........
ਅੱਜ ਦੇ ਵਿਛੜੇ ਫੇਰ ਮਿਲਾਗੇ ਦੱਸ ਕਿੱਥੇ??????
ਮੇਰਾ ਇਕੋ ਏ ਸਵਾਲ ਵੇ ਬਾਬਲ ਭੁੱਲਦਾ ਨੀ..........
ਤੇਰਾ ਧੀ ਨੂੰ ਪੁੱਤਰ ਕਹਿ ਬੁਲਾਉਣਾ ਵੀ.......
ਦਿੰਦਾ ਸੀਨਾਂ ਠਾਰ ਵੇ ਬਾਬਲ ਭੁੱਲਦਾ ਨੀ.........
ਜੁੱਗ--ਜੁੱਗ ਵੱਸਣ ਜੱਗ ਤੇ ਸੋਹਣੇ ਵੀਰ ਮੇਰੇ...........
ਪਰ ਤੇਰਾ ਦਿੱਤਾਂ ਪਿਆਰ ਵੇ ਬਾਬਲ ਭੁੱਲਦਾ ਨੀ.........
ਮਨਜੀਤ ਸੰਧੂ
No comments:
Post a Comment